Xalq deputatlari Guliston shahar Kengashi deputati V.Xasanov “Davlat hisobidan yuridik yordam ko‘rsatish to‘g‘risida”gi O‘RQ–848-sonli O‘zbekiston Respublikasining Qonuni ijrosini o‘rganish maqsadida shahar adliya bo‘limida bo‘ldi.

Ushbu qonun aholining ijtimoiy himoyaga muhtoj qatlamlariga davlat hisobidan bepul yuridik yordam ko‘rsatish tizimini belgilab beradi. Ya’ni, fuqarolar o‘z huquq va qonuniy manfaatlarini himoya qilishda advokat yoki yuridik maslahat xizmatlaridan davlat tomonidan qoplanadigan tartibda foydalanish imkoniyatiga ega bo‘ladi.

O‘rganish jarayonida qonunning amaliyotda qo‘llanilishi, murojaatlar soni va mazmuni, yuridik yordam ko‘rsatish mexanizmi, aholining xabardorlik darajasi

atroflicha muhokama qilindi.

Deputat tomonidan qonun ijrosini yanada samarali tashkil etish, ayniqsa, ehtiyojmand fuqarolarga huquqiy yordamni o‘z vaqtida va sifatli ko‘rsatish bo‘yicha tegishli taklif va tavsiyalar berildi.