Nazorat tahlil tadbiri olib borildi

Xalq deputatlari Qiziriq tumani Kengashi kotibiyati mudiri K.Muhammadiyev hamda xalq deputatlari tuman Kengashi huzuridagi Ekspertlar guruhi rahbari Y.Umbarov bilan birgalikda "Zartepa" mahallasidagi mavjud qishloq vrachlik punkti (QVP) ta'mirlanish ishlari bilan tanishdi.

O‘rganish davomida qurilish-montaj ishlarining borishi, obyektda yaratilayotgan sharoitlar hamda belgilangan ishlar ijrosi ko‘zdan kechirildi. Shu bilan birga, qurilish hududida obodonlashtirish ishlariga yetarli darajada e’tibor qaratilmayotganligi, xususan, hududni tartibga keltirish va atrof-muhitni obod qilish bo‘yicha ishlarni jadallashtirish zarurligi qayd etildi.

O‘rganish yakunida mas’ullarga aniqlangan kamchiliklarni qisqa muddatlarda bartaraf etish, qurilish bilan bir qatorda obodonlashtirish ishlarini ham sifatli tashkil etish yuzasidan tegishli tavsiya va topshiriqlar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram