Xalq deputatlari Kosonsoy tuman Kengashining doimiy komissiya yig‘ilishi bo‘lib o‘tdi. Unda tuman Oila va xotin-qizlar bo‘limi boshlig‘i N.Ahmedovaning 2026 yilning birinchi choragida amalga oshirilgan ishlar hamda xotin-qizlarni ijtimoiy qo‘llab-quvvatlash borasidagi faoliyati yuzasidan hisoboti eshitildi.

👥 Hisobotda oila institutini mustahkamlash, xotin-qizlarning huquq va manfaatlarini himoya qilish, ularning bandligini ta’minlash, tadbirkorlikka jalb etish, ijtimoiy himoyaga muhtoj ayollarni qo‘llab-quvvatlash hamda ma’naviy-ma’rifiy tadbirlarni tashkil etish borasida amalga oshirilgan ishlar haqida atroflicha ma’lumot berildi.

📋 Shuningdek, yig‘ilishda “Ayollar daftari”ning 7-bosqichiga 5727 nafar xotin-qizni kiritish masalasi ham ko‘rib chiqildi. Ro‘yxatga kiritilgan xotin-qizlarning muammolarini o‘rganish, ularga amaliy yordam ko‘rsatish, ijtimoiy-iqtisodiy qo‘llab-quvvatlash choralarini belgilash hamda manzilli ishlash mexanizmlarini yanada takomillashtirish yuzasidan takliflar muhokama qilindi.