MÚRÁJAT HÁM USINISLARIN TIŃLADI

Xalıq deputatları Shımbay rayonlıq Keńesi baslıǵı O.Tolıbekov puqararlardıń múrájat hám usınısların tıńladı.

Ushırasıw dawamında sociallıq taraw, kommunal xızmetler, bántlik, infrastrukturanı jaqsılaw hám basqa da áhmietli máseleler boyınsha múrájatlar bildirildi. Deputat hár bir múrájattı hár tárepleme úyrenip shıǵıp, olardı sheshiw boyınsha tiyisli shólkemler menen birgelikte ámeliy ilajlar kóretuǵının atap ótti.

Sonday-aq, puqaralardıń nızamlı máplerin támiyinlew hám bar mashqalalardı saplastırıw boyınsha anıq wazıypalar belgilep alındı. Bunday ushırasıwlar xalıq penen ashıqtan-ashıq sóylesiwdi bekkemlew hám olardı qıynap atırǵan máselelerge sheshim tabıwda úlken áhmiyetke iye.