A.Navoiy mahallasida istiqomat qiluvchi fuqaro Sh.Urazmotovga Saxovat va ko‘mak jamg‘armasi hisobidan uy-joyini ta’mirlash uchun ajratilgan mablag‘larning ijrosi yuzasidan amaliy ishlar davom etmoqda.

Avvalroq xalq deputatlari Boyovut tumani Kengashi raisi, kotibiyat mudiri hamda 7-A.Navoiy saylov okrugi deputati tomonidan fuqaro xonadoniga tashrif buyurilib, ajratilgan mablag‘larning maqsadli va samarali sarflanishi yuzasidan o‘rganish olib borilgan edi.

Mazkur murojaat ijrosi doirasida bugun tuman Obodonlashtirish boshqarmasi tomonidan fuqaro xonadoniga ajratilgan mablag‘ning 50 foizi miqdorida qurilish materiallari yetkazib berildi.

Aholining murojaatlarini o‘z vaqtida ko‘rib chiqish, ularning muammolariga amaliy yechim topish hamda fuqarolarni har tomonlama qo‘llab-quvvatlash borasidagi ishlar izchil davom ettirilmoqda.