Xalq deputatlari Jondor tumani Kengashiga 17-Dovud saylov okrugidan saylangan deputat Sh.Boboyev hamda “mahalla yettiligi” hamkorligida Eronshoh MFY hududidagi qabristonda hashar tashkil etildi.

Ushbu hasharda mahalla faollari va fuqarolar birgalikda ishtirok etib, qabriston hududini tozalash, tartibga keltirish va obodonlashtirish ishlarini amalga oshirdilar. Hashar davomida atrof-muhitni asrash va muqaddas maskanlarni e’zozlash masalalariga alohida e’tibor qaratildi.

Deputatning taklifi asosida qabriston hududiga quyosh panelli, energiya tejamkor tungi yoritkichlar o‘rnatildi. Bu esa nafaqat hududni yoritish, balki elektr energiyasini tejash va zamonaviy, ekologik yechimlarni joriy etishda muhim ahamiyat kasb etmoqda.

Bunday ezgu tashabbuslar mahallalarda hamjihatlikni mustahkamlab, obod va fayzli muhit yaratishga xizmat qiladi.