Xalq deputatlari Ishtixon tuman Kengashi deputati J.Mavliyanov tomonidan Toytuyoq mahallasida mahalladagi ijtimoiy xodim faoliyati, xususan aholining ijtimoiy ehtiyojmand toifalariga ko‘rsatilayotgan xizmatlarni sifatli tashkil etish, kam ta’minlangan oilalarga ijtimoiy nafaqalar va moddiy yordamlarni tayinlash hamda to‘lash ishlari joyiga chiqib o‘rganildi.

🔍 O‘rganishlar natijasida aniqlanishicha, ijtimoiy xodim Beknazarova Dilorom Ramazon munosabati bilan hududdagi ehtiyojmand aholiga qator amaliy yordamlar ko‘rsatgan: 65 nafar ehtiyojmand aholi bir martalik moddiy yordam bilan ta’minlangan. 

Shuningdek “Saxovat va ko‘mak” jamg‘armasi orqali mahalladagi 12 nafar yolg‘iz qariyalar va ko‘p farzandli kam ta’minlangan oilalarga oziq-ovqat mahsulotlari yetkazib berilgan, 1 nafar fuqaroning davolash xarajatlarining bir qismi qoplab berilgan hamda 2 nafar o‘zga parvarishiga muhtoj fuqaro uchun ijtimoiy xizmatlar tashkil etilgan.

📌 Mazkur natijalar mahalladagi ijtimoiy himoya faoliyati qoniqarli darajada olib borilayotganini ko‘rsatmoqda va aholining ehtiyojmand qatlamini qo‘llab-quvvatlash borasida tizimli ishlar amalga oshirilayotganini tasdiqlaydi.

📈 Shu bilan birga, o‘rganish jarayonida mavjud imkoniyatlardan yanada samarali foydalanish, ijtimoiy xizmatlarni kengaytirish hamda ehtiyojmand oilalar va fuqaro guruhlariga tezkor yordam ko‘rsatish zarurligi ta’kidlandi.

✅ Aholining ijtimoiy himoyasi — jamiyat barqarorligi va adolatni ta’minlashning muhim omili bo‘lib, mahalladagi amaliy ishlar bu borada qoniqarli natijalarni bermoqda.