Deputat fuqarolar xonadonlarida: murojaatlar joyida o‘rganildi

Xalq deputatlari Paxtachi tumani Kengashi kotibiyati mudiri Magripova Ro‘zigul Toshniyozovna fuqarolar murojaatlari yuzasidan aholi xonadonlarida bo‘lib, mavjud masalalarni joyiga chiqqan holda o‘rgandi. 

Uchrashuvlar davomida ijtimoiy yordam, bandlik, kommunal xizmatlar, infratuzilma va boshqa dolzarb muammolar yuzasidan fikr-mulohazalar tinglandi.

Har bir murojaat alohida qayd etilib, tegishli tashkilotlar bilan hamkorlikda amaliy choralar ko‘rish belgilandi. Ayrim masalalar joyida hal etildi, qo‘shimcha o‘rganishni talab qiladigan murojaatlar esa nazoratga olindi.

Fuqarolar bilan bevosita muloqot qilish, muammolarni joyida ko‘rish va tezkor yechim topish – deputatlik faoliyatining muhim yo‘nalishlaridan biridir. 

Bu kabi uchrashuvlar aholi ishonchini mustahkamlash va hududda mavjud muammolarni tizimli hal etishga xizmat qiladi.