Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Muqimova rahbarligida navbatdagi yig‘ilish bo‘lib o‘tdi.

Yig‘ilishda tumandagi yoshlar bandligini ta’minlash, ularni kasb-hunarga o‘qitish, tadbirkorlik faoliyatiga jalb etish, “Yoshlar daftari” doirasida amalga oshirilayotgan ishlar holati hamda yoshlarga oid davlat siyosatining ijrosi muhokama qilindi.

Muhokamalar jarayonida mas’ul tashkilot va idoralar rahbarlarining axborotlari eshitilib, yoshlar o‘rtasida ishsizlikni qisqartirish, manzilli ishlashni kuchaytirish, bo‘sh ish o‘rinlari yarmarkasini samarali tashkil etish hamda yoshlarning bo‘sh vaqtini mazmunli tashkil etish bo‘yicha tegishli topshiriqlar berildi.

Yig‘ilish yakunida ko‘rilgan masalalar yuzasidan tegishli qaror qabul qilinib, ijroni ta’minlash bo‘yicha mas’ullarga aniq vazifalar yuklatildi.

Xalq deputatlari Qiziltepa tumani Kengashi kotibiyati