2026 yil 24 yanvar kuni O‘zbekiston XDP Andijon shahar kengashi raisi, Xalq deputatlari Andijon shahar Kengashi deputati M.Jalolov "Deputat mahallada" loyihasi doirasida “Bo‘ston” MFYda mahalla yettiligi faoliyati bilan tanishib, so'ng mahalla faollari bilan uchrashdi. Davlatimiz rahbari Sh.Mirziyoyevning Oliy Majlis va O‘zbekiston Xalqiga qilgan Murojaatnomasining mohiyati hamda 23 yanvar kuni prezidentimiz raisligida o‘tkazilgan videoselektorda berilgan topshiriqlar maqsadi tushuntirildi.
2026 yil —"Mahallani rivojlantirish va jamiyatni yuksaltirish yili"da amalga oshiriladigan ishlar, mahalla infratuzilmasini rivojlantirish uchun mavjud muammolarni aniqlash va takliflar berish zarurligi taʼkidlandi. Kambag‘allikni qisqartirish hamda aholini ish bilan ta'minlash va daromadli qilish maqsadida, loyihaviy yondashuv bilan chiqqan hokim yordamchilari qo‘llab-quvvatlanadi. Mahallalarda loyihalar portfeli shakllantiriladi. Bundan tashqari, nogironligi bor shaxslarga qator ijtimoiy himoya va yordamlar ko‘rsatilishi ko‘zda tutilmoqda. Tadbir davomida, aholini ro‘yxatga olish jarayoni deputat tomonidan nazoratga olindi hamda Bo‘ston MFY hududida 24 yanvar holatiga jami 7003 ta aholining mavjud 1026 ta xonadondan 870 tasi yoki 85 foizi ro‘yxatdan o‘tganligi aniqlandi.