Xalq deputatlari Bekobod shahar Kengashi deputati G.Sharipova shahar Oqila ayollar harakati hamda shahar targ‘ibot guruhi a’zolari bilan hamkorlikda 14-umumta’lim maktabida yuqori sinf o‘quvchi qizlar uchun “Milliy qadriyatlar – yot g‘oyalarga qarshi” mavzusida davra suhbati tashkil etildi. Davra suhbatida milliy qadriyatlarimiz, urf-odatlarimizning tarixiy ildizlari, milliy liboslarimiz millatimizning ko‘rki va iftixori ekani, shuningdek, sharqona va milliy tarbiya ajdodlarimizdan bebaho meros ekanligi haqida atroflicha fikrlar bildirildi. Tadbir davomida o‘quvchi qizlar milliy liboslar va qadriyatlarga bo‘lgan munosabatlarini ochiq-oydin ifoda etib, o‘z fikr-mulohazalari bilan faol ishtirok etdilar. Bunday ma’naviy-ma’rifiy tadbirlar yosh avlod ongida milliy o‘zlikni mustahkamlash va yot g‘oyalarga qarshi mafkuraviy immunitetni kuchaytirishga xizmat qiladi.