Нөкис районы ХДП: "Бир-биримизди қоллап-қуўатлайық" атамасында әмелий илаж өткерилди

     Өзбекстан ХДП Нөкис районлық кеңеси баслығы, Халық депутатлары Нөкис районлық Кеңесиндеги партия топары басшысы Р.Сапарниязов ҳәм "Төк таў" мәкан пуқаралар жыйыны баслығы И.Тажетов қатнасыўында "Бир-биримизди қоллап-қуўатлайық" жойбары шеңберинде әмелий илаж өткерди. 

Илаж даўамында "Төк таў" мәкан пуқаралар жыйыны аймағында жасаўшы О.Мамбетмуратовтың шаңарағында болып, бүгинги күндеги искерлиги менен танысты. 

Атап айтқанда, пуқара О.Мамбетмуратов жеңиллетилген кредит есабынан суў ағар ислеп шығаратуғын үскене алып, өз жумысын жолға қойған. 

Ислеп шығарып атырған өнимлери халықтың кең пайдаланып атырған жайлардың суў ағарлары болып, халықтың мүтәжлигин питкериўге хызмет етип атырғаны, соның менен бирге қыс айларында буйыртпалардың жетерли болмай атырғанлығы анықланды. Мәҳәлле белсендилери менен мәсләҳәтлесип машқаланы сапластырыў бойынша тийисли шешим қабыл етиў келисилди.