MEHIR HÁM ITIBAR HÁR BIR BALA UShÍN

  1-iyun - Xalıqaralıq balalardı qorǵaw kúni múnásibeti menen Qaraózek rayonında bayram ilajları shólkemlestirilmekte.

Ózbekstan Mayıplar jámiyeti hám Kózi ázziler jámiyeti Qaraózek rayonlıq bólimleri baslaması menen rayondaǵı 16-sanlı Balalar muzika hám kórkem óner mektebinde bayram qarsańında ilaj shólkemlestirildi.

Onda mayıplıǵı bolǵan balalar ata-anaları menen qatnastı hám ilaj dawamında súwret salıp, shaxmat, shashka boyınsha shınıǵıwlar ótkerdi. Bayram ilajına Xalıq deputatları Qaraózek rayonlıq Keńesi sekretariatı baslıǵı, 1-N.Japaqov okruginen deputat Q.Jaqsımuratov (https://t.me/qaraozek_xdrk_1), rayonlıq deputatlar Keńesi janındaǵı "Jaslar másláhát toparı" aǵzası G.Ametbaevalar qatnasıp, qatnasıwshılar menen sáwbet alıp bardı.

  Bayram ilajında balalarǵa shólkemler tárepinen tayarlanǵan sawǵalar tapsırılıp, jas qábiletli oqıwshılar koncert baǵdarlamasın usındı.