Sessiya kun tartibidagi masala yuzasidan o‘rganish olib borildi
Xalq deputatlari tuman Kengashining Reglament va deputatlik odob-axloqi masalalari bo‘yicha doimiy komissiyasi raisi M. Karimova, siyosiy partiyalar rahbarlari hamda kotibiyat bosh mutaxassisi D. Qanoatov tomonidan Xalq deputatlari tuman Kengashining navbatdagi 24-sessiyasi kun tartibiga kiritilishi rejalashtirilayotgan "O‘zbekiston Respublikasi Prezidenti Qiziltepa tumanidagi Xalq qabulxonasining 2026-yil olti oy davomida tuman aholisi tomonidan qilingan murojaatlar holati to‘g‘risida"gi masala yuzasidan tuman Xalq qabulxonasida o‘rganish ishlari olib borildi.

O‘rganish davomida fuqarolar murojaatlarining qabul qilinishi, ularning ko‘rib chiqilishi, ijro intizomi hamda murojaatlarni hal etish samaradorligi tahlil qilindi.

Aniqlangan holatlar yuzasidan tegishli taklif va tavsiyalar ishlab chiqilib, mazkur masalani sessiyada atroflicha muhokama qilish uchun zarur materiallar tayyorlanmoqda.