Jondor tumanidagi Namgoni mahalla fuqarolar yig‘inida aholi muammolarini o‘rganish masalasida Xalq deputatlari viloyat va tuman Kengashi deputatlari L.Ergasheva, Z.Rajabovalar tomonidan sayyor qabul o‘tkazildi. Sayyor qabul jarayonida 2 nafar fuqaroni jarohlik amaliyoti orqali davolanishiga ko‘maklashish, 1 nafar fuqaro farzandini oliy ta’limga o‘qish shartnoma pulini to‘lab berish masalalari yuzasidan muammolar bildirildi.

Namgoni mahallasi tumandagi namunali mahallalar qatorida bo‘lib, jumladan, bugungi kunda aholi soni 1950 nafarni, oilalar 539 tani, xonadonlar 401 tani tashkil qiladi. Hududda 1 ta umumta’lim maktabi, markaziy dorixona, 5 ta savdo va maishiy xizmat ko‘rsatish shoxobchasi, 1 ta novvoyxona mavjud.

 Shuningdek, keksalar haftaligi munosobati bilan mahalla nuroniylarining xonadonida bo‘lib ahvolidan xabar olinib, ularning ibratli hayot yo‘li, tinch- totuv yashash sirlari bilan o‘rtoqlashdilar.  

Uyma-uy loyihasi bo‘yicha mahaladagi xonadonlarga kirib aholi muammolari o‘rganildi.