Farg‘ona tumanida Yangilangan Konstitusiya mazmun-mohiyati va “O‘zbekiston - 2030” strategiyasining asosiy yo‘nalishlari yuzasidan targ‘ibot-tashviqot uchrashuvlari o‘tkazilmoqda

O‘zbekiston “Adolat” SDP Farg‘ona tuman Kengashi raisi N.Karimov, Xalq deputatlari Farg‘ona tuman Kengashi deputatlari O.Dadajonova, F.Mirzayevlar bilan birgalikda tumandagi Maktabgacha va maktab ta’limi bo‘limiga qarashli 3-sonli umumta’lim maktabida faoliyat olib borayotgan pedagog-kadrlar ishtirokida uchrashuv o‘tkazdilar.

Uchrashuvda 2023-yil davomida o‘tkazilgan Referendum, hamda yangi tahrirdagi Konstitusiyaga muvofiq o‘tkazilgan Prezidentlik saylovlari yana bir bor jamiyatimizning siyosiy yetukligi, Yangi O‘zbekistonni barpo etish yo‘lida amalga oshirilayotgan islohotlarni xalqimiz tomonidan qo‘llab-quvvatlanayotganligi asosida endilikda muqaddas Qomusimizda belgilangan chora-tadbirlarni amalga oshirishda “O‘zbekiston - 2030” strategiyasini amalga oshirish jarayonida har bir O‘zbekiston Respublikasi fuqarosi fikrlarini inobatga olgan holda jamoatchilik muhokamasi asosida ishlab chiqilishi belgilanganligi va uning mazmun-mohiyati haqida to‘xtalib o‘tdilar.

Uchrashuv yakunida ta’lim dargohida faoliyat olib borayotgan jamoani yangi o‘quv yili va yaqinlashib kelayotgan Mustaqillik bayrami bilan tabriklab, ““O‘zbekiston - 2030” strategiyasi to‘g‘risida”gi O‘zbekiston Respublikasi Farmoni loyihasi hamda O‘zbekiston Respublikasi Prezidentining “”O‘zbekiston - 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida”gi Qaror loyihalari jamoatchilik muhokamasiga qo‘yilganligini aytib, ushbu loyihalar bilan tanishib, o‘z takliflarini kiritishlari mumkinliklarini bildirdilar.

Xalq deputatlari Farg‘ona tuman Kengashi deputatlari O.Dadajonova, O‘zbekiston “Adolat” SDP Farg‘ona tuman Kengashi raisi N.Karimov