#deputat_nazorati
#deputat_faoliyati

SAMARALI FOYDALANILAYOTGAN IMKONIYATLAR O‘RGANILDI

Xalq deputatlari Paxtakor tumani Kengashi deputatlari D.Do'squlova, Q.Nishonov, K.Mamanova hamda Z.Shodmonov 11-Muqimiy saylov okrugi hududidagi Bog‘ishamol MFYda joylashgan Jizzax pedagogika texnikumiga tashrif buyurdilar.

Tashrif davomida texnikum tomonidan tashkil etilgan issiqxona faoliyati bilan yaqindan tanishildi. Issiqxonada amalga oshirilayotgan ishlar, yetishtirilayotgan qishloq xo‘jaligi mahsulotlari, yaratilgan shart-sharoitlar hamda mavjud imkoniyatlardan samarali foydalanish holati o‘rganildi.

Shuningdek, issiqxona faoliyatini yanada rivojlantirish, mavjud imkoniyatlardan unumli foydalanish va kelgusidagi rejalar yuzasidan fikr almashildi.

O‘rganish davomida texnikum tomonidan amalga oshirilayotgan mazkur tashabbusning amaliy ahamiyatiga e’tibor qaratilib, issiqxona faoliyatini takomillashtirish bo‘yicha takliflar berildi.