#Ekspert_guruhi

📘 Ekspert guruhi a'zolarini rag‘batlantirish tartibi

Mahalliy Kengash huzuridagi Ekspert guruhi faoliyatida faol ishtirok etayotgan, tashabbuskor va fidoyi a'zolarni rag‘batlantirish ularning samarali mehnatini e'tirof etish hamda jamoatchilik faolligini yanada oshirishga xizmat qiladi.

🏅 Quyidagi yo‘nalishlarda faol ishtirok etgan Ekspert guruhi a'zolari rag‘batlantirilishi mumkin:
✅ Mahalliy Kengash, uning doimiy komissiyalari va Ekspert guruhi majlislarida muntazam ishtirok etgan;
✅ Mahalliy Kengash hujjatlarini ko‘rib chiqish va muhokama qilishda asosli takliflar bildirgan;
✅ Mahalliy Kengash uchun tavsiyalar va tahliliy materiallar tayyorlagan;
✅ Nazorat-tahlil tadbirlarini tashkil etish va o‘tkazishda faol qatnashgan;
✅ Qabul qilingan qonunchilik hujjatlarining mazmun-mohiyatini keng jamoatchilikka tushuntirishda tashabbus ko‘rsatgan.

🎖 Rag‘batlantirish shakllari:
🔹 Tashakkurnoma e'lon qilish;
🔹 Turli mukofotlarga tavsiya etish;
🔹 Yilda bir marta pul mukofoti bilan taqdirlash;
🔹 Qimmatbaho sovg‘alar bilan rag‘batlantirish.

🤝 Ekspert guruhi a'zolarini munosib rag‘batlantirish ularning mas'uliyatini yanada oshirish, mahalliy Kengash faoliyatida faol ishtirokini qo‘llab-quvvatlash hamda hudud rivojiga xizmat qiluvchi tashabbuslarni kengaytirishga xizmat qiladi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube