#Tashkilot_bilan_hamkorlik
 #Haftalik_ish_reja_ijrosi
#Kunlik_ish_reja
#Kotibiyat_mudiri_ish rejasi

DAVLAT XIZMATLARI SOHASIDA OCHIQLIK VA SAMARADORLIK.

Xalq deputatlari Angor tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi a'zolari tomonidan davlat xizmatlarini ko‘rsatish sifati, ochiqligi va aholiga yaratilgan qulayliklar yuzasidan o‘rganish olib borildi.

O‘rganish davomida Xalq deputatlari Angor tumani Kengashi kotibiyati mudiri M. Yarmatov ham ishtirok etib. Davlat xizmatlari markazi xodimi tomonidan markaz faoliyati, aholiga ko‘rsatilayotgan xizmatlar va mavjud imkoniyatlar haqida batafsil ma’lumot olindi.

Ta’kidlanganidek, bugungi kunda Davlat xizmatlari markazi orqali aholiga 400 dan ortiq turdagi davlat xizmatlaridan foydalanish imkoniyati yaratilgan. Mazkur xizmatlarning yagona markaz orqali ko‘rsatilishi fuqarolarning vaqtini tejash, ortiqcha ovoragarchiliklarning oldini olish hamda davlat xizmatlaridan foydalanishda qulayliklarni oshirishga xizmat qilmoqda.

Shuningdek, xizmat ko‘rsatish jarayonlarida ochiqlik va shaffoflikni ta’minlash, fuqarolarning murojaatlarini qonuniy va o‘z vaqtida ko‘rib chiqish, korrupsiyaviy holatlarning oldini olish masalalariga alohida e’tibor qaratilishi zarurligi qayd etildi.

Mazkur yo‘nalishdagi deputatlik nazorati orqali aholiga ko‘rsatilayotgan davlat xizmatlarining sifati va samaradorligini yanada oshirish, fuqarolarning huquq va qonuniy manfaatlarini ta’minlashga qaratilgan ishlar izchil davom ettiriladi.