#Yoshlar_bilan_uchrashuv
#yoshlar_maslahat_guruhi


Xalq deputatlari Angor tumani Kengashining 20-Do‘stlik saylov okrugi deputati Qulliyeva Orzigul tashabbusi bilan Do‘stlik mahallasidagi 11-sonli umumiy o‘rta ta’lim maktabida yoshlar bilan uchrashuv o‘tkazildi.

Uchrashuvda mahalla vakillari, mahalla yettiligi a’zolari hamda profilaktika inspektori ishtirok etdi.
Muloqot davomida yoshlar o‘rtasida huquqbuzarlik va jinoyatchilikning oldini olish, turli salbiy illatlarga berilmaslik, bo‘sh vaqtni mazmunli tashkil etish hamda yoshlarning huquqiy savodxonligini oshirish masalalariga alohida e’tibor qaratildi.

Shuningdek, yoshlarning murojaat va takliflari tinglanib, ularni qo‘llab-quvvatlash, muammolarini o‘z vaqtida aniqlash va tegishli tashkilotlar bilan hamkorlikda hal
etish yuzasidan fikr almashildi.

Tadbir yakunida yoshlar bilan ishlashda deputat, mahalla yettiligi va mutasaddi tashkilotlarning o‘zaro hamkorligini yanada kuchaytirish, jinoyatchilik va huquqbuzarliklarning barvaqt oldini olish bo‘yicha tizimli ishlarni davom ettirish belgilab olindi.