Xalq deputatlari Chilonzor tuman Kengashi deputati Mutalov Omonulla Nig‘matullayevich o‘z saylov okrugidagi Ko‘rkam mahallasiga tashrif buyurib, mahalladagi xotin-qizlar bilan ishlash tizimi va ushbu yo‘nalishda amalga oshirilayotgan ishlar bilan tanishdi.

O‘rganish davomida mahalla xotin-qizlar faoli tomonidan xotin-qizlarning muammolarini aniqlash, ularning murojaatlarini o‘rganish, ijtimoiy ko‘makka muhtoj ayollarni qo‘llab-quvvatlash, bandligini ta’minlash hamda mavjud muammolarni tegishli tashkilotlar bilan hamkorlikda hal etish borasida olib borilayotgan ishlar tahlil qilindi.

Shuningdek, mahallada xotin-qizlar bilan individual ishlash, ularning ehtiyojlarini o‘rganish va aniqlangan masalalarni o‘z vaqtida bartaraf etish bo‘yicha amalga oshirilayotgan chora-tadbirlarning samaradorligiga e’tibor qaratildi.

Tashrif yakunida aniqlangan masalalar yuzasidan tegishli tavsiyalar berilib, xotin-qizlar bilan ishlash samaradorligini yanada oshirish bo‘yicha zarur choralarni ko‘rish yuzasidan fikr almashildi.