Xalq deputatlari Termiz shahar Kengashi deputatlari tomonidan hududlarda qonun hujjatlari ijrosini ta’minlash, yoshlar bilan ishlash tizimini takomillashtirish, ularning bandligini ta’minlash hamda muammolarini manzilli hal etish borasida amalga oshirilayotgan ishlar muntazam o‘rganib, tahlil qilib borilmoqda.

Shu maqsadda Xalq deputatlari Termiz shahar Kengashining 15-“Tuproqqo‘rg‘on” saylov okrugi deputati D.Toshboyeva hamda Kengash kotibiyati bosh mutaxassisi R.Mamashukurovlar “Tuproqqo‘rg‘on” mahallasida bo‘lib, O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni ijrosi hamda mahalladagi yoshlar yetakchisi faoliyatini o‘rgandi.

O‘rganish davomida mahalladagi yoshlarning ijtimoiy faolligini oshirish, ularni ta’lim va kasb-hunarga yo‘naltirish, bandligini ta’minlash hamda ijtimoiy qo‘llab-quvvatlash borasida amalga oshirilayotgan ishlar tahlil qilindi.

Shuningdek, yoshlar bilan individual ishlash, ularning muammolarini aniqlash va mavjud imkoniyatlardan samarali foydalanish, ayniqsa, band bo‘lmagan yoshlarni mehnat bozoriga jalb etish masalalariga alohida e’tibor qaratildi.

O‘rganish yakunlari bo‘yicha yoshlar bilan ishlash samaradorligini yanada oshirish, mavjud muammolarni manzilli hal etish hamda yoshlarning ta’lim olishi, kasb egallashi va bandligini ta’minlash bo‘yicha tegishli tavsiya va takliflar bildirildi.

Yoshlar — mahalla taraqqiyoti va kelajak bunyodkorlaridir!