ХЎЖАШЎРКЕНТ МАҲАЛЛАСИДА КАМБАҒАЛЛИКНИ ҚИСҚАРТИРИШ БЎЙИЧА ЎРГАНИШ ОЛИБ БОРИЛДИ
Бугун туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович Хўжашўркент маҳалласида бўлиб, аҳоли бандлигини таъминлаш, камбағалликни қисқартириш ҳамда хонадонларда доимий даромад манбаларини шакллантириш борасида амалга оширилаётган ишларни ўрганди.
Ўрганиш давомида ижтимоий аҳволи оғир, доимий даромад манбаига эга бўлмаган оилаларнинг муаммолари ва эҳтиёжлари билан танишилди. Уларни ишга жойлаштириш, тадбиркорликка жалб этиш ҳамда касб-ҳунарга йўналтириш орқали даромадларини ошириш имкониятлари кўриб чиқилди.
Аниқланган муаммоларни бартараф этиш, ҳар бир оиланинг эҳтиёжи ва имкониятларидан келиб чиқиб, камбағалликдан чиқариш бўйича аниқ чора-тадбирларни белгилаш юзасидан масъулларга тегишли топшириқлар берилди.
Асосий эътибор эҳтиёжманд оилаларни қўллаб-қувватлаш, аҳоли бандлигини таъминлаш ва хонадонларда барқарор даромад манбаларини яратишга қаратилди.