Xalq deputatlari Tuproqqal‘a tumani Kengashi deputati Fotima Otaxonovna Seydabullayeva tomonidan tumandagi korxona, tashkilot va muassasalarning mas‘ul xodimlari ishtirokida O‘zbekiston Respublikasining 2000-yil 26-mayda qabul qilingan “Fuqaro muhofazasi to‘g‘risida”gi Qonuni mazmun-mohiyatiga bag‘ishlangan davra suhbati o‘tkazildi.
Tadbir davomida ishtirokchilarga fuqaro muhofazasining asosiy vazifalari, favqulodda vaziyatlarning oldini olish hamda bunday holatlarda to‘g‘ri harakat qilish bo‘yicha tushuntirishlar berildi.
Shuningdek, davra suhbati ishtirokchilari o‘zlarini qiziqtirgan savollar bilan murojaat qilib, ularga to‘liq va batafsil javoblar oldilar.
Tadbir fuqarolar muhofazasi sohasidagi bilim va ko‘nikmalarni mustahkamlash hamda favqulodda vaziyatlarda aholining xavfsizligini ta‘minlash masalalariga e‘tibor qaratish maqsadida tashkil etildi.