Mahallalarda aholi daromadlarini oshirish, kambag‘allikni qisqartirish, tadbirkorlikni rivojlantirish va bandlikni ta’minlash borasidagi ishlarning samaradorligini oshirish yuzasidan deputatlik nazorati izchil davom ettirilmoqda.

O‘zbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi PF-116-sonli Farmoni ijrosi yuzasidan Xalq deputatlari Termiz shahar Kengashining navbatdagi sessiyasi kun tartibiga kiritilgan masala doirasida mahallalarda nazorat-tahlil tadbirlari olib borilmoqda.

Shu maqsadda Kengash kotibiyati mudiri, deputat A.Ashurov hamda kotibiyat bosh mutaxassisi R.Mamashukurov 25-“Kokildorota” saylov okrugi deputati M.Sidiqovaga biriktirilgan “Kokildorota” mahallasida bo‘lib, hokim yordamchisining faoliyati bilan bog‘liq ishlarni joyiga chiqqan holda o‘rgandilar.

O‘rganish davomida aholi bandligini ta’minlash, tadbirkorlik tashabbuslarini qo‘llab-quvvatlash, imtiyozli kreditlardan samarali foydalanish, yangi mikroloyihalarni amalga oshirish hamda ehtiyojmand xonadonlarni daromadli mehnatga jalb etish borasidagi ishlarning holatiga e’tibor qaratildi.

Yakunda hokim yordamchisi va mahalla mas’ullariga imtiyozli kreditlardan foydalanish samaradorligini muntazam monitoring qilib borish, yangi mikroloyihalar sonini ko‘paytirish, aholi bandligini ta’minlash hamda ehtiyojmand xonadonlarning daromad manbalarini kengaytirish yuzasidan tegishli deputatlik tavsiya va ko‘rsatmalari berildi.

Deputatlik nazorati — mahalladagi real natija va aholi manfaatlarini ta’minlashga xizmat qiladi.