Oliy Majlis Qonunchilik palatasi deputati G.Olimova, Xalq deputatlari Boyovut tumani Kengashi kotibiyat mudiri X.Berdiyarova, tuman deputati X.Jo‘raxolov hamda viloyat deputati A.Bababekov ishtirokida Boyovut tumani Olmazor mahallasida joylashgan 8-sonli umumta’lim maktabining faoliyati va moddiy-texnik holati o‘rganildi.

Tashrif davomida maktabda o‘quvchilar va jamoa uchun faollar zali mavjud emasligi, shuningdek, maktab binosi ta’mirtalab holatda ekani aniqlandi.

Deputatlar tomonidan aniqlangan kamchiliklarni bartaraf etish maqsadida maktab binosini kelgusi yilda kapital ta’mirlash uchun davlat dasturiga kiritish bo‘yicha tegishli ishlar olib borilishi ma’lum qilindi.

Shuningdek, o‘rganish davomida maktab hududida barpo etilayotgan usti yopiq futbol maydoni (sun’iy qoplamali) hamda yoshlarning jismoniy faolligini oshirishga mo‘ljallangan workout sport maydonchasida olib borilayotgan qurilish-ta’mirlash ishlari bilan ham tanishildi.