Xalq deputatlari Qo‘qon shahar Kengashiga 26-“Yangi obod” saylov okrugidan saylangan deputat G.Paygamova tomonidan “Yangi obod” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq muloqot o‘tkazilib, hududda mavjud muammolar, aholini qiynab kelayotgan masalalar hamda ularni hal etish yo‘llari yuzasidan fikr almashildi.

Jumladan, A.T.Xuqandiy mavzesi, 110-uy, 40-xonadonda yashovchi, II guruh nogironi Komilova Dilshodahon bepul davolanish uchun yo‘llanma ajratish hamda yashab turgan uy-joyini ta’mirlash ishlarini yakuniga yetkazishda amaliy yordam ko‘rsatish masalasida murojaat qildi.

Murojaat yuzasidan fuqaro bilan batafsil suhbat o‘tkazilib, mavjud holat va masalaning yechimi bilan bog‘liq jihatlar o‘rganildi. Deputat tomonidan murojaatni amaldagi qonunchilik doirasida hal etish, tegishli tashkilotlar bilan hamkorlikda zarur amaliy choralarni ko‘rish bo‘yicha vazifalar belgilandi.

Fuqaroning murojaati deputat nazoratiga olinib, uning ijobiy yechimini ta’minlash yuzasidan tegishli tashkilotlar bilan hamkorlikdagi ishlar davom ettiriladi.

Xalq deputatlari Qo‘qon shahar Kengashi