♨️ Issiqlik ta’minoti masalasi deputat nazoratida

🇺🇿 Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Madaminov Alisher Abdullayevich tomonidan “Taxiatosh tumani Issiqlik tarmoqlari” MChJ direktori Xojanov Timur Paraxatovichga deputatlik so‘rovi yo‘llandi.

📌 Deputatlik so‘rovida tuman aholisini issiqlik energiyasi bilan ta’minlash sifati, iste’molchilarga hisob-kitoblarning to‘g‘ri yuritilishi hamda fuqarolar murojaatlarida ko‘tarilayotgan masalalar yuzasidan batafsil ma’lumot so‘raldi.

Xususan, quyidagi masalalarga e’tibor qaratildi:
🔹 aholiga issiqlik yetkazib berishning joriy holati va mavjud muammolar;
🔹 iste’molchilarga hisoblangan to‘lovlar hamda qarzdorliklarning asoslanganligi;
🔹 boshqa iste’molchining qarzdorligi sababli xizmatlari cheklangan fuqarolar bo‘yicha ko‘rilgan choralar;
🔹 aholi va yuridik shaxslarning issiqlik ta’minoti bo‘yicha qarzdorligi va uni kamaytirish choralari;
🔹 xizmatni cheklash yoki uzishdan oldin iste’molchilarni ogohlantirish tartibi;
🔹 issiqlik tarmoqlarining texnik holati, 2025–2026-yillarda amalga oshirilgan ta’mirlash ishlari va kelgusidagi rejalar.

📥 Deputat Madaminov Alisher Abdullayevich mazkur so‘rov orqali issiqlik ta’minoti bilan bog‘liq masalalarga aniqlik kiritish, fuqarolarning murojaatlarida ko‘tarilayotgan muammolarni o‘rganish hamda iste’molchilarning qonuniy manfaatlari ta’minlanishiga e’tibor qaratmoqda.

Aholini sifatli va barqaror issiqlik bilan ta’minlash — muhim ijtimoiy masalalardan biridir.