Deputat mahallada

Xalq deputatlari Qo‘shko‘pir tuman Kengashi deputati G.Abdullayeva Nezaxos mahallasida ijtimoiy-siyosiy va xalqchil faoliyatini davom ettirib, hududdagi ijtimoiy himoyaga muhtoj qatlamlarning turmush tarzi va muammolarini yaqindan o‘rganish maqsadida amaliy tadbirlarni amalga oshirdi.
Jumladan, deputat G.Abdullayeva mahalla ijtimoiy xodimi Oygul Erjonova bilan hamkorlikda Ozodlik ko‘chasi, 28-uyda istiqomat qiluvchi, kam ta’minlangan oilalar reyestriga kiritilgan fuqaro Ozoda Miskinovaning xonadonida bo‘ldi.
O‘rganish jarayonida ushbu oilaning ijtimoiy-maishiy sharoitlari, ularni qiynab kelayotgan muammolar hamda davlat tomonidan ko‘rsatilayotgan ijtimoiy yordamlarning manzilliligini ta’minlash masalalari atroflicha ko‘rib chiqildi.
Aholining turmush darajasini yaxshilash va ehtiyojmand oilalarni qo‘llab-quvvatlash borasidagi davlat siyosatini joylarda samarali amalga oshirish yuzasidan tegishli chora-tadbirlar belgilanib, deputatlik nazorati o‘rnatildi.