Xalq deputatlari Andijon shahar Kengashining haftalik ish rejasi hamda 24 Tavsiya asosida hududlarda aholi uchun qulay shart-sharoitlar yaratish, mavjud infratuzilma obyektlarini yaxshilash va aniqlangan kamchiliklarni bartaraf etish bo‘yicha amaliy ishlar olib borilmoqda.

Xususan, xalq deputatlari Andijon shahar Kengashi deputati Avazbek Appaqov tomonidan Andijon shahrining Bobur shoh ko‘chasida oqova tizimlarini ta’mirlash va yaxshilash bo‘yicha amalga oshirilayotgan ishlar ko‘rib chiqildi.

O‘rganish davomida hududdagi oqova tizimlarining mavjud holati, olib borilayotgan ta’mirlash ishlari hamda ishlarning sifatli va belgilangan muddatlarda bajarilishi bilan bog‘liq masalalarga e’tibor qaratildi.

Mazkur ishlar aholi uchun qulay va xavfsiz sharoitlarni yanada yaxshilash, hudud infratuzilmasini takomillashtirish bosqichma-bosqich amalga oshirishga qaratilgan.