Shahar 3-son bolalar musiqa va san’at maktabida qonun hujjatlari ijrosini ta’minlash holati yuzasidan o‘rganish olib borildi.

O‘rganish davomida maktabda tashkil etilgan dars mashg‘ulotlari, to‘garaklar hamda hunarmandchilik yo‘nalishlari faoliyati ko‘rib chiqildi. Mashg‘ulotlarning belgilangan o‘quv dasturlari asosida tashkil etilishi, o‘quvchilarning darslarga qatnashishi va ularning ijodiy qobiliyatlarini rivojlantirish uchun yaratilgan imkoniyatlarga e’tibor qaratildi.

Shuningdek, o‘quvchilarning musiqa, san’at va hunarmandchilik yo‘nalishlariga bo‘lgan qiziqishini oshirish, bo‘sh vaqtini mazmunli tashkil etish hamda amaliy ko‘nikmalarini rivojlantirish borasidagi ishlar tahlil qilindi.

O‘rganish yakunlari bo‘yicha ta’lim jarayonini yanada takomillashtirish, mashg‘ulotlar samaradorligini oshirish va qonun hujjatlarida belgilangan talablarning to‘liq ijrosini ta’minlash yuzasidan tegishli tavsiya va takliflar bildirildi.