Xalq deputatlari Sharof Rashidov tuman Kengashi kotibiyati mudiri A. Raxmonov tomonidan Kuyovboshi mahallasida bo‘sh turgan binodan samarali foydalanish maqsadida tashkil etilayotgan xorijiy tillarni o‘rgatish o‘quv markazi faoliyati bilan tanishildi.

O‘rganish davomida o‘quv markazini tashkil etish bo‘yicha ishlab chiqilgan loyiha hujjatlari ko‘rib chiqilib, binodan samarali foydalanish, ta’lim olish uchun zarur shart-sharoitlarni yaratish hamda markaz faoliyatini yo‘lga qo‘yish bilan bog‘liq masalalarga e’tibor qaratildi.

Mazkur loyihani amalga oshirish orqali, avvalo, mahalladagi yoshlarning xorijiy tillarni zamonaviy va qulay sharoitlarda o‘rganishi, ularning bilim va ko‘nikmalarini oshirishi hamda kelgusida ta’lim va bandlik imkoniyatlarini kengaytirish uchun qo‘shimcha sharoit yaratilishi ko‘zda tutilmoqda.