Mikroloyihalar ijrosi – deputatlar e’tiborida

📌Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov tomonidan Po‘loti mahallasida hokim yordamchisi tashabbusi asosida amalga oshirilayotgan mikroloyihalarning joylardagi holati o‘rganildi.
📌O‘rganish davomida mikroloyihalarning amalga oshirilishi, ajratilgan imkoniyat va resurslardan maqsadli foydalanish, shuningdek, ularning aholi bandligini ta’minlash va daromadlarini oshirishga ta’siriga alohida e’tibor qaratildi.
📌Deputat tomonidan O‘zbekiston Respublikasi Prezidentining 2024 yil 23 sentabrdagi «Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida»gi PF-143-sonli Farmoni talablaridan kelib chiqib, mikroloyihalar ijrosini samarali tashkil etish yuzasidan mas’ullarga tegishli tavsiyalar berildi.
📌Shuningdek, mikroloyihalarning amaliy natijadorligini oshirish, aholi uchun yangi daromad manbalarini yaratish va kambag‘allikni qisqartirishga qaratilgan choralarni izchil davom ettirish zarurligi ta’kidlandi.
👉Mazkur yo‘nalishdagi o‘rganishlar va deputatlik nazorati ishlari davom ettiriladi.