Xalq deputatlari Qo‘qon shahar Kengashi deputati X.Nazarova tomonidan o‘z saylov okrugi hududida joylashgan “At-Termiziy” mahalla fuqarolar yig‘inida aholi bilan manzilli ishlash va fuqarolarning murojaatlarini o‘rganish maqsadida xonadonlarga tashrif amalga oshirildi.

Jumladan, Bog‘i Rahmat ko‘chasi, 20-A-uyda yashovchi M.Mamajonovaning xonadoniga tashrif buyurilib, oilaning ijtimoiy va maishiy sharoiti, mavjud muammolari hamda ehtiyojlari o‘rganildi.

O‘rganish davomida oilada mulkiy nizo mavjudligi, shuningdek, ikki nafar nogironligi bo‘lgan oila a’zosi tibbiy reabilitatsiyaga ehtiyojmandligi aniqlandi.

️Mavjud muammoni qonuniy tartibda hal etishga ko‘maklashish maqsadida oilaga bepul advokat yollash bo‘yicha amaliy yordam ko‘rsatildi.

Shuningdek, oila a’zolarining tibbiy reabilitatsiyadan foydalanish imkoniyatlarini o‘rganish va zarur choralarni ko‘rish maqsadida Qo‘qon shahar tibbiyot birlashmasiga deputatlik so‘rovi yuborish bo‘yicha kelishib olindi.

Deputat tomonidan oilaning murojaati nazoratga olinib, aniqlangan masalalarni tegishli tashkilotlar bilan hamkorlikda hal etish, fuqarolarga zarur huquqiy va ijtimoiy ko‘mak ko‘rsatish bo‘yicha tegishli choralar belgilandi.

Xalq deputatlari Qo‘qon shahar Kengashi