Aholi muammolarini o‘rganish va ularga manzilli ko‘mak berish deputatlik faoliyatining eng ustuvor yo‘nalishlaridan biridir.
Kuni kecha deputat Lenura Baydullayeva boshchiligida o'z saylov okrugidagi “Saxovat”  mahallasida yashovchi, "Kambag'allik reestri"da turuvchi 2 nafar fuqaro O.Olloberganova hamda "Olmaliqsoy" mahallasida yaxshovchi Sh.To'xtaboyevaning oilaviy holati chuqur o‘rganildi.
O'rganishlar natijasida fuqarolarning bandligini ta'minlash hamda oilaviy sharoitini yaxshilashga to'sqinlik qilayotgan asosiy masala aniqlandi. Deputatning bevosita aralashuvi va tashabbusi bilan fuqarolarning farzandlari shahardagi 23-sonli davlat maktabgacha ta'lim tashkilotiga navbatsiz joylashtirildi.

Ushbu amaliy yordam tufayli ona endilikda farzandining tarbiyasi va xavfsizligidan ko'ngli xotirjam holda, oila daromadini oshirish va turmush sharoitini yaxshilash maqsadida mehnat qilish imkoniyatiga ega bo'ldi.

Hozirgi bosqichda deputat L.Baydullayeva Shahar bandlikka ko'maklashish markazi hamda mahalla hokim yordamchisi bilan yaqin hamkorlikda fuqarolarning mutaxassisligi va qiziqishlaridan kelib chiqqan holda, uni munosib ish bilan ta'minlash uchun mavjud bo'sh ish o'rinlarini (vakansiyalarni) taklif etmoqda.
Rivojlanish va ijtimoiy farovonlik har bir oilaga yetib boradigan amaliy ko'makdan boshlanadi!