Inson qadri va ijtimoiy himoya tamoyillarini amalda taʼminlash borasida Olmaliq shahrining "Abdulla Avloniy" mahallasida muhim oʻrganish ishlari olib borildi.
Xususan, Xalq deputatlari Olmaliq shahar Kengashi deputati Oybek Qurolboyev tomonidan mahalla fuqarolar yigʻini raisi bilan hamkorlikda hududda istiqomat qiluvchi nogironligi boʻlgan shaxslarga davlat tomonidan ajratilayotgan imtiyoz va ijtimoiy yordamlarning manzilliligi hamda toʻgʻri qoʻllanilayotgani atroflicha tahlil qilindi.

Oʻrganish davomida quyidagi asosiy tadbirlar amalga oshirildi:
🔸Mahallasida istiqomat qiluvchi nogironligi bor fuqarolarga koʻrsatilgan tibbiy, moddiy va ijtimoiy yordamlar boʻyicha biriktirilgan barcha tegishli hujjatlar deputat nazorati ostida koʻrib chiqildi.
🔸Deputat va mahalla masʼullari bevosita imtiyoz oluvchi fuqarolarning xonadonlariga tashrif buyurib, ularning yashash sharoitlari, oilaviy va maishiy holatini koʻzdan kechirishdi.
🔸Muloqot davomida fuqarolarning muammolari, tibbiy xizmat va dori-darmon taʼminotiga boʻlgan ehtiyojlari tinglandi.
Bunday amaliy oʻrganishlar davlatimiz tomonidan ijtimoiy himoyaga muhtoj qatlamga koʻrsatilayotgan gʻamxoʻrlik va imtiyozlarning har bir fuqaroga toʻliq va adolatli yetib borishini taʼminlashga xizmat qiladi.

Oʻrganish natijalari boʻyicha aniqlangan kamchiliklar deputatning ko'chama-ko'cha aylanish jurnaliga qayd qilinib,  ijro nazoratiga olindi.