#_Kengash_ish_rejasining_ijrosi
#_deputat_faoliyati
#_24_ta_masala
#_kotibiyat_xodimi_faoliyati
Aholiga ajratilayotgan kreditlarning manzilliligi o‘rganildi

Xalq deputatlari Sariosiyo tumani Kengashi raisi M.Ashurov tomonidan tumandagi Biznesni rivojlantirish banki faoliyati o‘rganildi.
O‘rganish davomida bank tomonidan aholi, tadbirkorlik subyektlari hamda o‘z biznes faoliyatini yo‘lga qo‘yish istagidagi fuqarolarga ajratilayotgan kredit mablag‘larining manzilliligi, samaradorligi va o‘z vaqtida yetkazib berilishi masalalariga alohida e’tibor qaratildi.

Jumladan, aholining kredit olish uchun murojaatlari, kredit ajratish jarayonida yaratilgan imkoniyatlar, imtiyozli kreditlardan foydalanish holati hamda ajratilgan mablag‘larning belgilangan maqsadlar asosida sarflanayotgani tahlil qilindi.

Shuningdek, kredit mablag‘lari orqali yangi tadbirkorlik faoliyatini boshlash, mavjud biznes loyihalarni kengaytirish, aholi bandligini ta’minlash va oilalar daromadini oshirish bo‘yicha amalga oshirilayotgan ishlar bilan tanishildi.

O‘rganish jarayonida kredit olish istagidagi fuqarolarga qulay shart-sharoitlar yaratish, murojaatlarni ortiqcha byurokratik to‘siqlarsiz ko‘rib chiqish, ajratilayotgan mablag‘larning haqiqatan ham aholining daromadini oshirishga xizmat qilishini ta’minlash yuzasidan tegishli mas’ullarga tavsiyalar berildi.

Alohida ta’kidlanganidek, kredit mablag‘larining samarali va manzilli yo‘naltirilishi yangi ish o‘rinlari yaratish, tadbirkorlikni rivojlantirish hamda hudud iqtisodiy salohiyatini oshirishda muhim ahamiyat kasb etadi.

Bugungi kunda kichik va o‘rta biznesni moliyaviy qo‘llab-quvvatlash, aholining moliyaviy xizmatlardan foydalanish imkoniyatlarini kengaytirish davlat siyosatining muhim yo‘nalishlaridan biri hisoblanadi.