#Kengash_sessiyalariga_oid

Xalq deputatlari viloyat Kengashi deputati N. Nurmatova tomonidan Sanitariya-epidemiologik osoyishtalik va jamoat salomatligi tuman bo‘limi boshlig‘i M. Burxonovga ijtimoiy soha obyektlaridagi ayrim hojatxonalarning sanitariya talablariga javob bermayotganligi yuzasidan savol berildi.

Deputat tomonidan sanitariya talablariga javob bermaydigan ijtimoiy soha obyektlaridagi hojatxonalar ro‘yxatini shakllantirish, ularning holatini o‘rganish hamda mavjud muammolarni bartaraf etish uchun zarur mablag‘larni aniqlab, mablag‘ ajratish choralarini ko‘rish lozimligi ta’kidlandi.

M.Burxonov ushbu masala mas’ullar tomonidan joyiga chiqib o‘rganilishini, aniqlangan kamchiliklar bo‘yicha tegishli ro‘yxat shakllantirilib, natijasi yuzasidan javob taqdim etilishini ma’lum qildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|