Xalq deputatlari Jondor tumani Kengashiga 18-Navoiy saylov okrugidan saylangan deputat B. Ahmadov tomonidan saylovchilarning murojaatlari va hududdagi mavjud muammolarni o‘rganish hamda ularni bartaraf etishga ko‘maklashish yuzasidan amaliy ishlar olib borilmoqda.
⚡️Shu doirada deputat Qozikenti mahallasida elektr ta’minoti bilan bog‘liq muammolarni o‘rganib, ushbu masalani ijobiy hal etish maqsadida tuman elektr ta’minoti korxonasi direktori O. Usmonov nomiga deputatlik so‘rovi yubordi.
⚡️Deputatlik so‘rovida mahalladagi elektr ta’minoti holatini joyida o‘rganish, mavjud kamchiliklarni aniqlash hamda aholini elektr energiyasi bilan barqaror va sifatli ta’minlash bo‘yicha zarur choralarni ko‘rish so‘ralgan.
⚡️Aholining kundalik hayoti va farovonligiga bevosita ta’sir ko‘rsatuvchi bunday masalalarni o‘z vaqtida ko‘tarish va tegishli tashkilotlar oldiga aniq vazifalar qo‘yish deputatlik faoliyatining muhim yo‘nalishlaridan biridir.
⚡️B. Ahmadov mazkur masala ijobiy hal etilib, Qozikenti mahallasi aholisining elektr ta’minoti bilan bog‘liq muammolari bartaraf etilishiga erishish uchun masalani nazoratga oldi.