DEPUTAT SO‘ROVI 

Xalq deputatlari Qo‘shko‘pir tuman Kengashi deputati Boymurotova Nazokat
Kamiljonovna tomonidan 

Qo‘shko‘pir tumani, Ayronko‘l mahallasi hududida joylashgan Qo‘shko‘pir – G‘ozovot markaziy
avtomobil yo‘li bo‘yidagi 6-sonli umumiy o‘rta ta’lim maktabi hamda 8-sonli
maktabgacha ta’lim tashkiloti oldida yo‘l harakati xavfsizligini ta’minlash,
ayniqsa, o‘quvchilar va tarbiyalanuvchilarning hayoti va sog‘ligini muhofaza
qilish maqsadida tegishli chora-tadbirlar ko‘rish zarurati mavjud. 

Mazkur hududda transport vositalari harakati juda serqatnov bo‘lib, piyodalar,
jumladan bolalar uchun xavfli vaziyatlar yuzaga kelmoqda. Shu munosabat bilan, ushbu yo‘l qismida zamonaviy svetofor o‘rnatish orqali
harakatni tartibga solish va yo‘l-transport hodisalarining oldini olish muhim
ahamiyat kasb etadi.