Xalq deputatlari Parkent tumani Kengashiga 19-Chashma saylov okrugidan saylangan deputat Xojiboyev Jalol Xotamboyevich o‘zi saylangan “Xurriyat” MFY hududida bo‘lib, mahalla ijtimoiy xodimi tomonidan amalga oshirilayotgan ishlar holatini jamoatchilik nazorati asosida o‘rgandi. O‘rganish jarayonida ehtiyojmand oilalarni qo‘llab-quvvatlash, ijtimoiy yordamga muhtoj fuqarolar bilan ishlash, nogironligi mavjud shaxslar holidan xabar olish hamda ularga ko‘rsatilayotgan amaliy yordamlar yuzasidan ma’lumotlar olindi. Shuningdek, aholining murojaatlarini o‘z vaqtida ko‘rib chiqish, manzilli yordam ko‘rsatish va ijtimoiy himoya tizimi samaradorligini oshirish masalalariga alohida e’tibor qaratildi. Deputat tomonidan bu boradagi ishlarni tizimli davom ettirish, fuqarolar manfaatini ta’minlash hamda jamoatchilik nazoratini kuchaytirish yuzasidan tegishli tavsiyalar berildi.