📌Xalq deputatlari Oqoltin tuman Kengashi deputati A.Uljayeva hamda Kengash kotibiyati bosh mutaxassisi U.Kenjayev tomonidan tuman Sport maktabining moddiy-texnik bazasi va mavjud muammolari yuzasidan o‘rganish ishlari olib borildi.

📄O‘rganish jarayonida sport infratuzilmasining bugungi holati, yoshlar uchun yaratilgan sharoitlar hamda sport obyektlaridan foydalanish darajasi atroflicha ko‘zdan kechirildi. Jumladan, tuman markazidagi futbol stadioni atrofida joylashgan yugurish yo‘lakchasi ta’mirtalab holatga kelib qolgani aniqlandi.

✅Mazkur holat yuzasidan mutasaddi tashkilotlarga tegishli taklif va tavsiyalar berilib, mavjud kamchiliklarni bartaraf etish hamda sport bilan shug‘ullanuvchi yoshlar uchun yanada qulay sharoit yaratish lozimligi ta’kidlandi.

Xalq deputatlari Oqoltin tumani Kengashi kotibiyati.