Bugun Olmaliq shahridagi 2-sonli texnikum binosida muhim siyosiy va ijtimoiy muloqot tadbiri bo‘lib o‘tdi. Tadbir Davlatimiz rahbari Shavkat Mirziyoyev raisligida joriy yilning 8-aprel kuni Toshkent viloyatida o‘tkazilgan islohotlar samaradorligi va istiqbolli loyihalar taqdimotiga bag‘ishlangan yig‘ilishda belgilangan vazifalarga bag‘ishlandi.

Tadbirda Xalq deputatlari Olmaliq shahar Kengashi kotibiyat mudiri Sevara Qodirova hamda deputat Muhiddin Abdullayev ishtirok etdilar.

✅ Xabardorlikni oshirish: Prezidentimiz tomonidan viloyatni rivojlantirish bo‘yicha belgilab berilgan ustuvor vazifalar va yangi loyihalarning mazmun-mohiyatini aholiga sodda va hayotiy misollar bilan yetkazish;

✅ Islohotlar tahlili: Hududda amalga oshirilayotgan o‘zgarishlarning har bir fuqaro hayotiga ta’sirini tushuntirish;

✅ Fuqarolik pozitsiyasi: Jamiyatda faol fuqarolik pozitsiyasini mustahkamlash va daxldorlik hissini oshirish.

🤝 Ochiq muloqot ruhida:

Deputatlar aholi bilan yuzma-yuz muloqotda bo‘lib, bugungi islohotlar nafaqat raqamlarda, balki mahallalar qiyofasida, yangi ish o‘rinlari va ijtimoiy qulayliklarda aks etayotganini ta’kidladilar. Ishtirokchilar o‘zlarini qiziqtirgan savollarga javob olib, hududni rivojlantirish bo‘yicha o‘z takliflarini ham bildirdilar.