Yoshlar maslahat guruhining yig‘ilishida Kengash kotibiyati mudiri D.Sherboyev, deputatlar M.Kenjayeva, M.Ramazonov hamda bosh mutaxassisi B.Xoliqovlar ham qatnashdilar.

Ushbu yig‘ilish boshlanishidan oldin ishtirokchilar 27.03.2026 yilda Senatda xalq deputatlari viloyat, tuman va shahar Kengashlari huzuridagi Yoshlar maslahat guruhlari faoliyatini samarali tashkil etishga bag‘ishlangan seminarda onlayn tarzda Zoom ilovasi orqali ishtirok etishdi.

Semenarda yoshlarning davlat boshqaruvidagi ishtirokini kengaytirish, ularning tashabbuslarini qo‘llab-quvvatlash hamda Yoshlar maslahat guruhlari faoliyati samaradorligini oshirish, ularni qonun ijodkorligi jarayonlariga faol jalb etish masalalari muhokama qilindi.

Onlayn semenar yakunlangandan so‘ng, tuman Kengashi huzurida tashkil etilgan Yoshlar maslahat guruhi faoliyatining asosiy masalalari bo‘yicha yig‘ilish davom ettirildi. Kun tartibidagi masala yuzasidan qatnashuvchilar tomonidan fikr va takliflar bildirilib, o‘tildi.

Jumladan, Yoshlar maslahat guruhining asosiy maqsadi– yoshlarga oid davlat siyosatini amalga oshirishda, ularning ijtimoiy-siyosiy faolligini qo‘llab quvvatlashda, norma ijodkorligi jarayonida, xususan, yoshlar masalalariga doir qaror loyihalarini ishlab chiqish va muhokama qilishda faol ishtirok etish, yoshlarga doir masalalar yuzasidan takliflar ishlab chiqish, bu borada tuman Kengashi deputatlariga ko‘maklashishdan iborat ekanligi ta’kidlandi.

Yig‘ilish yakunida Yoshlar maslahat guruhlari faoliyatini yanada takomillashtirish, ularning har tomonlama salohiyatini kuchaytirish hamda yoshlarning jamoatchilik boshqaruvidagi ishtirokini kengaytirish bo‘yicha tavsiyalar va takliflar bildirildi.