Maktabgacha ta’lim muassasalarida yaratilgan shart-sharoitlar hamda ta’lim-tarbiya jarayonining tashkil etilishi holatini o‘rganish maqsadida joylarda monitoring ishlari olib borilmoqda.

Xalq deputatlari Peshku tumani Kengashining 23-Quchoq saylov okrugi deputati Nurullayev Zavqiddin Zaripovich tashabbusi bilan tuman siyosiy partiyalari vakillari hamkorligida tumandagi 28-sonli davlat maktabgacha ta’lim tashkiloti faoliyati o‘rganildi.

O‘rganish jarayonida muassasada bolalar uchun yaratilgan shart-sharoitlar, ta’lim-tarbiya jarayonining tashkil etilishi, moddiy-texnik baza hamda tarbiyalanuvchilarning kunlik mashg‘ulotlari ko‘zdan kechirildi.

Shuningdek, muassasa faoliyatini yanada takomillashtirish, bolalar uchun xavfsiz va qulay muhit yaratish masalalari yuzasidan tegishli tavsiyalar berildi.

🇺🇿 Xalq deputatlari Peshku tuman Kengashi kotibiyati