Xalq deputatlari Surxondaryo viloyati Kengashi 5-Seplon saylov okrugidan saylangan deputat M. Narbasheva hamda Sherobod tumani Kengashi 8-Mehnatobod saylov okrugidan saylangan deputat S. Irisov tomonidan “Mehnatobod” mahallasida joylashgan Oilaviy shifokorlik punktida faoliyat yuritayotgan tibbiyot xodimlari bilan uchrashuv tashkil etildi.

Uchrashuv davomida hudud aholisi salomatligini muhofaza qilish, birlamchi tibbiy xizmat sifatini yanada yaxshilash, tibbiyot xodimlari uchun yaratilayotgan sharoitlar hamda mavjud muammolar yuzasidan fikr almashildi. Shuningdek, tibbiyot xodimlari tomonidan ilgari surilgan taklif va murojaatlar tinglanib, ularni hal etish bo‘yicha tegishli choralar ko‘rish masalalari muhokama qilindi.

Deputatlar o‘z nutqlarida aholiga sifatli tibbiy xizmat ko‘rsatish, profilaktik ishlarni kuchaytirish hamda tibbiyot xodimlarining mehnatini qo‘llab-quvvatlash muhim vazifalardan biri ekanini ta’kidladilar.

Uchrashuv samimiy va ochiq muloqot ruhida o‘tib, tibbiyot sohasi vakillari bilan doimiy hamkorlikni davom ettirishga kelishib olindi.

Slide 1 of 4