2026-yil 4-mart kuni 8-“Amir Temur” saylov okrugidan saylangan tuman Kengashi deputati D.Eshqobilova Amir Temur mahalla fuqarolar yig‘ini hududidagi 36-umumta’lim maktabida o‘z saylovchilari bilan uchrashuv o‘tkazdi. Uchrashuv davomida deputat tomonidan hududda amalga oshirilayotgan bunyodkorlik ishlari, ijtimoiy-iqtisodiy rivojlanish borasidagi
vazifalar hamda kelgusidagi reja va loyihalar haqida batafsil ma’lumot berildi. Shuningdek, fuqarolarni qiynab kelayotgan masalalar tinglanib, ularning murojaatlari yozib olindi. Saylovchilar tomonidan yo‘l infratuzilmasini yaxshilash, ichimlik
suvi ta’minoti, yoshlar bandligini oshirish hamda ijtimoiy yordam masalalari yuzasidan taklif va mulohazalar bildirildi. Deputat har bir murojaatni o‘rganib chiqish va tegishli tashkilotlar bilan hamkorlikda hal etish choralarini ko‘rishini ta’kidladi.