Bu yilgi Ramazon oyi ham ehson va e’tibor bilan boshlandi. Muhtaram Prezidentimizning tegishli qarorlarida qayd etilganidek, ushbu muborak oyda qilingan niyatlar va o‘qilgan duolar ko‘proq ijobat bo‘ladi.

Namangan shahrida Ramazon oyi munosabati bilan xayrli va savobli ishlar keng quloch yoymoqda. Tashkilot rahbarlari hamda imom-xatiblar tashabbusi bilan iftorlik dasturxonlari yozilib, kam ta’minlangan, bemor hamda boquvchisini yo‘qotgan oilalar holidan xabar olinmoqda.

Ramazon — mehr-saxovat, birdamlik va shukronalik oyidir. Bu muborak oyda inson omiliga alohida e’tibor qaratish, ehtiyojmandlarga yordam qo‘lini cho‘zish, saxovat va xayriya tadbirlarini amalga oshirish ezgu an’anaga aylanmoqda. Ko‘rsatilayotgan moddiy va ma’naviy ko‘mak oilalar qalbida umid va ishonch uyg‘otmoqda.

Slide 1 of 5