Бугун халқ депутатлари Учқўрғон тумани Кенгашининг
Коррупцияга қарши курашиш ва хавфсизлик масалалари бўйича доимий комиссиясининг
навбатдаги йиғилиши бўлиб ўтди. 

Йиғилишда туман ички ишлар бўлими бошлиғи У.Муродуллаев
ҳамда доимий комиссия аъзолари иштирок этдилар. Кун тартибига мувофиқ, туман
ички ишлар бўлими бошлиғининг 2025 йил давомида жиноятчилик ва
ҳуқуқбузарликларни барвақт олдини олиш борасида амалга оширилган ишлар юзасидан
ҳисоботи тингланди. 

Ҳисоботда жамоат хавфсизлигини таъминлаш,
ҳуқуқбузарликларнинг олдини олиш, шунингдек, маҳалла фуқаролар йиғинлари,
ўзини-ўзи бошқариш органлари ва бошқа тегишли ташкилотлар билан ҳамкорликда
олиб борилган чора-тадбирлар ҳақида атрофлича маълумот берилди. 

Йиғилиш якунида комиссия аъзолари томонидан тегишли
таклиф ва тавсиялар билдирилиб, келгусидаги устувор вазифалар белгилаб олинди.