Хожели районы ҳәкимлигиниң мәжилислер залында «Өзбекстан Республикасының айырым нызам ҳүжжетлерине сайлаў ҳәм референдум өткериў тәртибин жәнеде жетилистириўге қаратылған өзгерислер ҳәм қосымшалар киритиў ҳаққында»ғы Нызамының мазмунын, әҳмийетин үгит-нәсиятлаў бойынша бағышланған семинар болып өтти.

Семинарға районлық Кеңеси депутатлары, секретариат хызметкерлери, сиясий партиялардың районлық шөлкемлери басшылары қатнасты.

Семинарда районлық Әдиллик бөлими баслығы А.Шабатов бул нызамға киритилип атырған өзгерислер ҳәм олардың әҳмийети ҳаққында кең түрде түсиник берди. Оннан соң сөзге секретариат баслығы А.Худайбергенов шығып районлық Кеңес депутатларының ис-режелериниң ислеп шығылыўы, олардың турақлы түрде ғалаба хабар қуралларында шығыўларын тәмийинлениўи сондай-ақ, депутатлық сораўларды жоллаў, Өзбекстан Республикаси Президенти Пәрманларының орынланыўы қадағалаў бойынша айтып өтти.